Disul vintin pe oan savet
Gavotte du Bas-Léon
Disul vintin pa oan savet fandigoudigou tralala
Disul vintin pa oan savet an dud ’vont da gousperoù
An dud ’vont da gousperoù va ge
An dud ’vont da gousperoù.
Hag me an arar war va skoaz
O vont d’an oad da arat
E touez ar vein hag ar c’herreg
Pe re ne oan ket kalet
Hag an distro ac’hano
Me rankontras ur wezenn
Ur wezenn deus avaloù trenk
E oa karget a spezad
Hag an distro ac’hano
Ne welan nemet tourioù
Tourioù du ha tourioù gwenn
Hag e oa en o kleier
Hag a sone ken distraz
‘Vel pa vichen en ongrou
Va mestrez-me a zo klañvet
Ha me zo o vont d’he gwelet
Ar wech kentañ p’oan aet d’an ti
‘Do war ar bank o c’hoari
An eilvet gwech p’oan aet d’an ti
Ar beleg ouzh he noui
An drede gwech p’oan aet d’an ti
‘Do war an daol lienet
Ha ma komañs da ouelañ
Na petra rin me bremañ
Va c'hamalad lavar din me
Na te zo sod da ouelañ
‘Lesneven er garreg vihan
‘Doa choajet peder vestrez
Div anezho a zo koant
Div all oa choa ac’hanomp
An div koant a gemeromp
Hag an div all a lezomp
An div all a lavaro
O c’hemerit ni ivez
Ola ola emezomp
A-walc’h am eus bremañ
Restr Dastum : a72966 pe kan.bzh M-01264.
Sellit ivez ouzh Keleier n°13, novembre 1991, Kendalc'h
Malrieu : [MAL 01264] Ar gevier.